To je ȉzvor bogȁt, čȉst i lȋp,
č ȁ mȋrno se gĩbo
sa zlȏton optȍčenon
zvȍnih melodȉjon.
To mȕžika je bonãce, čȁ mirȕje,
zĩbje se, mrȉško,
pãdo i pȅnje,
ȍsekon i plȉmon.
Tȍ pramalȉće mi zelȅno
čȁ cvatȅ od sȕnac - istȍka
u kãpji zoriẽ, u kãpji rosiẽ,
i rũdi, rũdi, iz dubiniẽ svãkega, i prȁ - ȍka.
Znȏ bȉt bosȁ nogȁ u krōjiȇvstvu drȏč,
ȕka bȍlesnega jȕga,
zvȋžjonje bȕre u mȑklon noćȉ,
glȏs kukvȋž iz tmȉne u rȕševini…
Jazȉk mojiẽ mãtere
nĩ cvȋt ča vȉtar ga pustȍši!!!
Tȍ je cvȋt pod baldakȋnon
kȋ te vrhȕ bȑda ȍbasuta svȉtlon,
od ȉskona čȉsten vrȉlu vȍdi.
Dubravka Borić
Tags:
pisme