Ne pitoj me za sutra,
ta vajo mi priživit danas,
rane su otvorene,
a soli pune šake,
ne pitoj me za sutra,
vajo mi se dignut iz posteje,
vajo mi živit,
danas,
moloj,
ne pitoj,
brž bude dobro jelnega „danas“,
uvik danas, za sutra ne znon,
jučer je pasalo,
danas mi somo ostaje,
da se zajubin,
da živen,
da molon,
i ko će ga znat kojega to „danas“
će doć kroj,
i ko će ga znat?
Zato ne pitoj me za sutra,
jo san dite pustih otočja,
jo san nestvaran, ko macići,
koda bajke provjoš i gončice,
zato ne pitoj me za sutra,
sve bin ti reko,
ali, gorko je,
sve bi van reko,
kal biste pitali,
ali priteko san vas,
zato ne pitoj me za sutra.
by Dominis
Tags:
pisme