Ȉsto pȉsma jȍš se čȕje
U stīnȉ je mõga škȍja
Rebumbõje, ne dõ mîra
U njõj mi je cĩlo vȍja
Sômo pȉsma, sômo stīnȁ
Omaćôna kȑvju trūdȁ
Opijenȁ kô ol vīnȁ
Niz prodôce nãvik zvonĩ
Ol pikȅti pȉsma lũdo
Dok me bũdi ȉsti onî
Vônj od zemjẽ, krȉk maškīnȁ
Kad upečȅ glũho lȉto
Mantô pȉsma, cvatũ cmȉji
Gorĩ môre, plãče stīnȁ
Blišćĩ se u krīžȕ bĩlen
Dok pod plȍčon čũvo tîlo
Dūšȁ pȉsmon svîtu cĩlen
Jȍšće prõvjo ča jȅ bîlo
Pjero Mirić
Tags:
pisme