Zoč ne biš išla s menon
u prohladnin jutrima,
za prve mise,
ono kal ruke zebu da se u njih puše,
zoč ne biš išla s menon
da ti stvorin jedon novi život,
jednu novu bajku,
nastaje ep, a ti tega nisi svjesna,
mogo bi te uklesot u povist,
muza doskora velega pisnika,
po zoč ne biš išla s menon,
znodu tvoji da ol pisom nimo kruha,
ali ne znodu kako pisnici jube,
to je sakriveno od svita
i čuvo se u skupon butiliji,
ako je ti otvoriš
bit ću ti duh od Aladina,
somo ne tri, sve ću ti žeje ispunit,
ako je još čo sriće na vemu svitu,
ako je čo srca i jubavi,
poć ćeš s menon
i postat ćemo mit.
by Dominis
Tags:
pisme