GRE BOŽIĆ - Pjero Mirić

Eno ga u kalu

Pun krtol jubavi vuče

I zbog njega jutros

I kampanel slaje tuče

Svi nojlipji vonji

Vrotili se portu mome

Čisto i guštožo

Srce je baš svoj na svome

Eno ga u valu

Sve su pisme kolo njega

Ko od šole briše

Sve penšire svita vega

Svi dohodu vamo

Kad njegovo dojde doba

Propjo mi se čini

Da je njemu vode doma

Dokli za kominon

Pucketodu iskre sriće

Hreb zalije vinon

I po mistu poli sviće

Ćutin mu teplicu

Pod kapoton smih mu cili

Tiho gre niz kalu

Svome mistu Božić bili

Pjero Mirić